كان في موضوع عن الميكروويف أنا مش لاقيه :(

السلام عليكم ورحمة الله وبركاته،،،

كل سنه وإنتم طيبين با جماعه :)

كان في في المنتدى من فتره أخ كان بيسأل عن أفضل أنواع الميكروويف وبصراحه الإخوه هنا مشكورين إدوله معلومات مهمه جداً ومفيده عن أنواع الميكروويف والفروقات ما بينهم!

أنا دلوقت عاوز أشتري ميكروويف وللأسف حاولت إني الاقي الموضوع ده بس ما لقيتوش :(

يا ريت لو حد يدلني عن الموضوع ده أو ممكن يفيدني من واقع الخبره الشخصيه:

أنا عاوز ميكروويف ما يكونش صغير أوي، يعني 30 لتر مثلاً بس مش عاوزه يكون حاجه جامده جداً عشان أنا مش ناوي أطبخ فيه، أنا هاستغله عشان التسخين والإذابه في المقام اﻷول، فا مش عاوز أدفع ثمن خصائص أنا مش هاستخدمها.

وطبعاً مش عاوزه يكون غالي أوي بس يكون صناعته كويسه.

من اﻵخر عاوز حاجه تكون

good value for money

شكراً مقدماً

كينوود كويس جداً عن تجربتين و وكيله محترم و ممكن تلاقي طلبك في حدود 900 جند

عندنا الدايو وشغال زى الفل بئالو بتاع سنتين وكان فى وكان فى واحد قابلية بس امريكانى كان تحفة حمار شغال بس غالبا غالى
عشان انا بصراحة مرفش الاسعار بتاعتهم

بص يا باشا

انا بس ردي الاول كان مقتضب عشان كان من الموبايل

انا عندي كينوود بقاله سنتين ماشي اخر حلاوة

باستثناء عطل بسيط في رمضان الماضي (الباب قفل و ما رضيش يفتح بسبب ان اللوك فوت و التوكيل صلحوه في يومين كما وعدوا و دفعت 55 جنيه بس تمن اللوك و المصنعية و الضريبة)

كنت جايبه ب 815

هو 34 لتر و 100 واط و شكله عصري و ظريف


شغال معايا كويس جدا ..... و وكيله محترم

المزايا اللي فيه

واجهته سهلة الاستعمال

ممكن بزر واحد تشغله (دقيقة) و كل ضغطة زيادة بدقيقة زيادة

و ممكن تختار قوة الميكروويف (من 10 لحد 100%) و تختار الوقت

فيه برامج جاهزة للتسييح بالوزن او التسييح بالوقت او طبخ طبخات معينة

سهل ممتنع

الصراحة من غيره كنا تايهين اما كان بيتصلح (غير الربع فرخة اللي اتقفل عليها هههههههههههههههههههههه)

و والدي عنده الموديل اخوه بس اللي بشواية بس نصيحة فكك من الشواية لانه في سنة و نص استعملها مرة واحدة بس !

و برضه ما حصلش عنده غير عطل في الموتور الدوار بتاع الصينية الداخلية و كان ممكن يستعمله من غيره بس برضه صلحه في يوم واحد بس في التوكيل تمن الموتور الدوار + المصنعية 110 جنيه

والله للأسف انا معرفش الموضوع فين بس لو عايز نصيحة انا جربت نوعين شارب وسامسونج وبصراحة الشارب ما شاء الله تبارك الله بقاله 7 سنين ربنا يبارك فيه زي الفل .. انا كنت شاريه من السعودية بس شفت زيه في كارفور مره مش عارف لسه موجود ولا لأ ؟؟
بالمناسبة هو المشكلة اللي حصلت فيه ان مع الوقت بدأت الشاشة تتعطل فيها الأرقام وبلغت التوكيل في السعودية قالو ان الموديل ده ظهرت فيه المشكلة دي وبتتغير ببلاش , بس طبعا كان صعب اني ارجعه من مصر للسعودية علشان الموضوع ده ولاقيت اني مش محتاجها قوي لأني كنت حفظت الأوامر بتاعته ..

ألف شكر يا جماعه على ردودكم، ربنا يكرمكم يا رب

طمني يا أحمد على الربع فرخه؟ يا ترى طلع من الحادث سليم؟ ولا مهندس الصيانه طمع فيه؟ :Ob_mak1[1]:

أنا عندي سؤال محوري من الطراز الأول: ومحتاج إجابه سريعه:

هو الميكروويف اللي فيه خاصية الـ convection ممكم أشغله كا فرن كهرباء عادي ولا لأ؟

عشان والدتي أصلاً مش متقبله فكرة الميكروويف، فأنا متخيل إن لو في فرن ممكن يشتغل فرن عادي لما أحب وفرن ميكروويف لما أحب يبقى ده فل أوي؟ ده غير طبعاً إنه ممكن يشتغل برضه بخاصية الـ convection.

يا ريت يا جماعه حد يردي علي بسرعه.

شكراً

انا بقالي سنه بشتري في الميكرويف

اقتباس:

---

المشاركة الأصلية كتبت بواسطة marsguy

ألف شكر يا جماعه على ردودكم، ربنا يكرمكم يا رب

طمني يا أحمد على الربع فرخه؟ يا ترى طلع من الحادث سليم؟ ولا مهندس الصيانه طمع فيه؟ :ob_mak1[1]:

أنا عندي سؤال محوري من الطراز الأول: ومحتاج إجابه سريعه:

هو الميكروويف اللي فيه خاصية الـ convection ممكم أشغله كا فرن كهرباء عادي ولا لأ؟

عشان والدتي أصلاً مش متقبله فكرة الميكروويف، فأنا متخيل إن لو في فرن ممكن يشتغل فرن عادي لما أحب وفرن ميكروويف لما أحب يبقى ده فل أوي؟ ده غير طبعاً إنه ممكن يشتغل برضه بخاصية الـ convection.

يا ريت يا جماعه حد يردي علي بسرعه.

شكراً

---

ده الموديل بتاع والدي ..... ميكروويف + شواية ..... و هو اغلى تقريبا 200 او 300 جنيه من اللي عندي

اقتباس:

---

المشاركة الأصلية كتبت بواسطة أحمد كمال

ده الموديل بتاع والدي ..... ميكروويف + شواية ..... و هو اغلى تقريبا 200 او 300 جنيه من اللي عندي

---

يعني إنت متأكد يا أحمد إني ممكن أشغل الشوايه لوحدها وكده يبقى زي الفرن الكهرباء العادي بالظبط؟

شكراً

اقتباس:

---

المشاركة الأصلية كتبت بواسطة marsguy

يعني إنت متأكد يا أحمد إني ممكن أشغل الشوايه لوحدها وكده يبقى زي الفرن الكهرباء العادي بالظبط؟

شكراً

---

أيوة و شوينا بيه العيد الكبير قبل اللي فات

فيه 3 modes للتشغيل

شواية فقط او ميكروويف فقط او الاثنين معاً

جزاك الله خيراً يا أحمد

شكراً

أنا جبت بلاك أند ديكر 30 لتر بالشوايه من كارفور بـ 1200 جنيه

ضمان سنتين

اقتباس:

---

المشاركة الأصلية كتبت بواسطة mr_sameh

انا بقالي سنه بشتري في الميكرويف

---

سنه !! ؛ ليه يعني ؟؟

اقتباس:

---

المشاركة الأصلية كتبت بواسطة egyegy

سنه !! ؛ ليه يعني ؟؟

---

اقولك ليه كل لما اروح اشتري اشوف ماركات كتير فاحتار بينهم مره وماشتريش ومره تانيه اتخانق انا والمدام ونرجع ومنشتريش وكتير من كده وبقالي سنه

اقتباس:

---

المشاركة الأصلية كتبت بواسطة mr_sameh

اقولك ليه كل لما اروح اشتري اشوف ماركات كتير فاحتار بينهم مره وماشتريش ومره تانيه اتخانق انا والمدام ونرجع ومنشتريش وكتير من كده وبقالي سنه

---

طيب في موقع انا بستخدمة دايما في المقارنات بين الحاجات دي، موقع wize، هتلاقي في الموقع المقارنات بتم على الحجم الداخلي وسهولة الاستخدام والسعر والخ ...، وممكن انت تعيد ترتيبهم على حسب السعر والجديد والقديم ، رابط الموقع اهو ، هتلاقي اعلى التقييمات لباناسونيك وشارب وفي نوع تالت مش حطينة هو الهاير.

رابط باناسونيك مصر

رابط شارب مصر

رابط هاير الشرق الاوسط

وهتلاقي في كل موقع التليفونات، تقدر تتصل بيهم وتسأل على الاسعار، وعشان تريح نفسك من موضوع الخناقات ده تعمل زي ما الاجانب بيعملوا، تحدد انت السعر اللي مش هتقدر تدفع اكتر منه وتسيب المدام هي اللي تحدد النوع والحجم والماركة، عشان لو في خطأ في الاختيار لا قدر الله او حصل لخبطة في موضوع الصيانة او اي مشكلة من اي نوع، يبقى انت لا تتحمل شيء. والطرف الآخر هو المسئول.

ارجو ان لا اكون قد اثقلت عليك وشكرا لك.

اقتباس:

---

المشاركة الأصلية كتبت بواسطة marsguy

جزاك الله خيراً يا أحمد

شكراً

أنا جبت بلاك أند ديكر 30 لتر بالشوايه من كارفور بـ 1200 جنيه

ضمان سنتين

---

آسف، أنا إتلخبط

الميكروويف سعره 1100 مش 1200

بس مش كتير على ميكروويف 1200

حضرتك قلت انك عايزه بس للتسخين ومش عايزه كبير
ولا غيرت رايك؟

اقتباس:

---

المشاركة الأصلية كتبت بواسطة hamadamdph

بس مش كتير على ميكروويف 1200

حضرتك قلت انك عايزه بس للتسخين ومش عايزه كبير
ولا غيرت رايك؟

---

مش كتير لانه بشواية يا مان

اقتباس:

---

المشاركة الأصلية كتبت بواسطة hamadamdph

بس مش كتير على ميكروويف 1200

حضرتك قلت انك عايزه بس للتسخين ومش عايزه كبير
ولا غيرت رايك؟

---

هو كتير فعلاً

بس مش هاتلاقي ميكروويف بشوايه ونوعه كويس وحجمه كويس إلا في حدود الألف جنيه فما فوق.

في حاجات كويسه جداً بس من غير شوايه بتبدأ من 700 جنيه.

معلهش سرحت معاكو في اسعار الميكروويف ونسيت اقولها

الف مبروك يا باشا وربنا يكتر من عدد الفراخ اللي حتتعذب جوا الميكروويف ده
بالهنا والشفا

الله يبارك فيك يا صديق

ولا عزاء للفراخ ولا لذويهم :)